عالمی مارکیٹ میں پیٹرول کی قیمت میں کمی اور روس سے سستے تیل کی درآمد کے باوجود حکومت نے پیٹرول کی قیمتوں میں کمی نہ کی۔

حکومت کی جانب سے پیٹرول پر عائد لیوی میں پانچ روپے اضافے کے بعد پیٹرول پر لیوی 50 روپے سے بڑھ کر 55 روپے ہوگئی۔

وزارت خزانہ کےحکام کا کہنا ہے کہ ہائی اسپیڈ ڈیزل پر عائدلیوی میں کوئی اضافہ نہیں کیا گیا، ہائی اسپیڈ ڈیزل پر لیوی 50 روپے فی لیٹر وصول کی جائے گی۔

خیال رہے کہ گزشتہ روز وفاقی وزیر خزانہ اسحاق ڈار نے آئندہ 15 دنوں کے لئے پیٹرولیم مصنوعات کی نئی قیمتوں کا اعلان کیا تھا۔

قبل ازیں فنانس بل 2023 میں طے شدہ پیٹرولیم لیوی میں مزید 10 روپے فی لیٹر اضافہ کیا گیا جس کے بعد لیوی 60 روپے فی لیٹر تک پہنچ گئی ۔

اس ضمن میں ذرائع پیٹرولیم ڈیوژن کا ایک بیان میں کہنا تھا کہ اس اضافے کا اطلاق یکم جولائی 2023 سے یکمشت نہیں ہوگا، کیونکہ صارفین پر پہلے ہی 67.50 روپے فی لیٹر ٹیکسوں کا بوجھ ہے۔