گورنر ہاؤس میں منعقدہ تقریب میں گورنرخیبرپختونخوا غلام علی نے قائمقام چیف جسٹس پشاور ہائیکورٹ جسٹس محمد ابراہیم خان سے حلف لیا۔

سیکرٹری قانون شگفتہ نوید نے قائمقام چیف جسٹس کی تقرری کا صدارتی اعلامیہ پڑھ کر سنایا۔

تقریب حلف برداری میں پشاور ہائیکورٹ کے ججز، وکلاء اور وزراء شریک ہوئے۔

حلف برداری کے بعد گورنرغلام علی نے قائمقام چیف جسٹس ابراہیم خان کو مبارکباد پیش کی۔

یاد رہے کہ پشاور ہائیکورٹ میں چیف جسٹس کے فرائض انجام دینے والی جسٹس مسرت ہلالی اب بطور سپریم کورٹ کے جج کی حیثیت سے فرائض انجام دیں گی اور مسرت ہلالی نے سپریم کورٹ کے جج کا حلف اٹھا لیا ہے۔

چیف جسٹس آف پاکستان جسٹس عمر عطاء بندیال نے جسٹس مسرت ہلالی سے بطور سپریم کورٹ جج کے عہدے کا حلف لیا۔