سیما رند اپنے 4 بچوں کے ساتھ دہلی کے گریٹر نوئڈا میں موجود ہے۔

ذرائع کے مطابق پاکستان نے بھارتی وزارت خارجہ سے سیما رند تک رسائی مانگ لی ہے۔

سیما حیدر رند کا تعلق کراچی کےعلاقے ملیر سے ہے، جو اپنے چار بچوں سمیت نیپال کے راستے دہلی پہنچی تھی۔

سیما رند کی دوستی ویڈیو گیم ”پب جی“ پر بھارتی نوجوان سچن مینا سے ہوئی تھی۔

پاکستانی ہائی کمیشن کی جانب سے کی گئی درخواست میں کہا گیا کہ پاکستانی خاتون سے متعلق میڈیا رپورٹس کی تصدیق کی جائے اور سیما رند کی خیریت کے بارے میں آگاہ کیا جائے۔

سیما رند کو بھارت پہنچنے پر گرفتار کرلیا تھا اور بھارت نہ چھوڑنے کی شرط پر رہائی ملی تھی۔

اولین خبروں میں بھارتی میڈیا نے سیما نام ”رند“ کے بجائے ”جاکھرانی“ بیان کیا تھا۔