بھارتی میڈیا کی جانب سے شیئرکی جانے والی وائرل ویڈیو میں دیکھاجاسکتا ہے کہ کس طرح نسبتاً کم گہرے لیکن سیلابی ریلے میں بہہ کرآنے والا شخص مدد کیلئے چیختے ہوئے ہاتھ پاؤں مار رہا ہے۔

اس دوران کنارے پرکھڑے افراد ویڈیو بھی بنارہے ہیں جس میں پنجابی زبان میں کہے گئے جملے پھڑ لو پھڑ لو (پکڑ لو، پکڑلو) واضح طور پر سنے جاسکتے ہیں۔

بہہ کرآنے والے ایک شخص کو آگے بڑھ کر ایک اور آدمی سہارا دیتے ہوئے کھڑا کرتا ہے اور اس دوران اس کے مچائے واویلے پر دل کی بھڑاس بھی نکالتا ہے۔

یہ ویڈیو بھارتی ریاست ہریانہ کے ضلع پنچکولہ سیکٹر 16 میں بنائی گئی ہے۔