فی الحال یہ فیس کتنی ہوگی اس کا کوئی اعلان نہیں کیا گیا، لیکن اس کا انحصار گاڑی کے سائز، وزن اور اس کے انجن پر ہوگا۔

الیکٹرک گاڑیاں اور بڑی فیملی والے افراد جنہیں بڑی گاڑیوں کی ضرورت ہوتی ہے، امکان ہے کہ وہ ان زائد فیسوں سے بچ جائیں گے۔

ان فیسوں کا اطلاق یکم جنوری 2024 سے ہوگا۔

انہیں’auto-besity’ سے نمٹنے کی فیس قرار دیا جارہا ہے جو انگریزی لفظ obesity یعنی موٹاپے میں ترمیم کرکے بنایا گیا ہے۔

پیرس کے کونسلرز نے گزشتہ ماہ متفقہ ووٹ میں اس اقدام کی منظوری دی تھی۔

حکام کا کہنا ہے کہ گزشتہ چار سالوں کے دوران شہر میں ایس یو ویز کی تعداد میں 60 فیصد اضافہ ہوا ہے اور اب یہ پیرس میں ہر شام پارک کی جانے والی 1.15 ملین نجی گاڑیوں کا 15 فیصد بنتی ہیں۔

حکام کو امید ہے کہ فیسوں میں اضافہ ہلکی گاڑیاں خریدنے کی حوصلہ افزائی کرے گا۔

شہری حکام نے ایک بیان میں کہا کہ شہر میں کوئی گندے راستے نہیں ہیں، کوئی پہاڑی سڑکیں نہیں ہیں … پیرس میں ایس و وی بالکل بیکار ہیں۔