لاہور کے اندرون شہر میں قیام پاکستان سے بھی دہائیوں پہلے بننے والے گھر تاحال موجود ہیں۔

اندرون شہر میں قائم درجنوں عمارتوں کو خطرناک قرار دیا جا چکا ہے لیکن پھر بھی ان عمارتوں کو خالی کرنے پر کوئی رضا مند نہیں۔ شہری کہتے ہیں ان سے ہماری یادیں وابستہ ہیں۔

دوسری طرف اندورن شہر زیادہ مخدوش عمارتوں کے مکینوں نے رہائش گاہیں مجبوراً خالی کردی ہیں۔ ایسے شہریوں کا کہنا ہے کہ حکومت ان پرانی عمارتوں کی تزئین و آرائش پر کام کرے تاکہ لوگ نقل مکانی کرنے پر مجبور نہ ہوں۔

یاد رہے کہ موسمی حالات اور حادثات میں کئی عمارتیں منہدوم بھی ہوچکی ہیں اور بیشتر عمارتیں خستہ حالی کا شکار ہیں۔