ڈی سی لاہور نے غیر قانونی گیس فلنگ کرنے والوں کے خلاف شکنجہ سخت کرنے کا حکم دیتے ہوئے تمام تحصیلوں میں متعلقہ ٹیموں کو ایل پی جی بھرنے والوں پر کڑی نظر رکھنے کی ہدایت کردی۔

رافعہ حیدر کے مطابق گلی محلوں میں قائم غیرقانونی فلنگ کرنے والوں کے خلاف مقدمات درج کیے جائیں، پالیسیوں کے خلاف کام کرنے والوں کے خلاف بھی کارروائیاں کی جائیں۔

ڈی سی لاہور نے ہدایت کی کہ ضلع بھر میں صرف معیاری سلنڈرز فروخت کرنے کی اجازت ہوگی، بغیر فٹنس سرٹیفکیٹ والی گاڑیوں کو سڑکوں پر آنے کی اجازت نہیں ہوگی،

ڈی سی لاہور رافعہ حیدر نے تنبیہ کی کہ کمرشل گاڑیوں کو کھلے سلنڈر کے استعمال کی ہر گز اجازت نہ دی جائے، حادثات کے خدشے کے پیش نظر ضلعی انتظامیہ اور پولیس مشترکہ کارروائیاں کریں۔