اداکارہ میرا نے کئی فلموں اور ڈراموں میں کام کیا ہے اور وہ کئی وجوہات کی بنا پر میڈیا میں توجہ کا مرکز بنی رہتی ہیں۔ شان اور معمر رانا کے ساتھ فلمیں کرنے سے لے کر ٹیلی ویژن پر کام کرنے اور متعدد تنازعات کی وجہ سے میرا مشہور ہیں۔

حال ہی میں ایک انٹرویو میں میرا نے انڈسٹری میں آنے والے نئے اداکاروں کے بارے میں بات کی۔ اداکارہ کا کہنا تھا کہ اب وہ انڈسٹری میں بہت زیادہ مسابقت محسوس کر رہی ہیں اور اس مقابلے کی وجہ سے وہ روزمرہ بہتری لانے کے لیے خود پر کام کر رہی ہیں۔

میرا نے اس بارے میں بھی بات کی کہ وہ اپنے کیریئر میں اتنے تنازعات میں کیوں رہی ہیں۔

انہوں نے کہا کہ وہ جو بھی کرتی ہیں وہ خبروں کا حصہ بن جاتی ہیں۔

انہوں نے کہا کہ ان کی زندگی کے واقعات کا خبر بننا بھی شاید ’میرا‘ ہونے کی سزا ہے۔