لاہور کے علاقے مسلم ٹاؤن میں دلخراش واقعہ پیش آیا، جہاں نامعلوم رکشہ ڈرائیور نے پنجاب یونیورسٹی کی طالبہ کو جنسی ہراساں کرنے کی کوشش کی۔

مسلم ٹاون پولیس نے واقعہ کا مقدمہ درج کرلیا ہے، جس میں متاثرہ لڑکی کے بیان کے مطابق رکشہ ڈرائیور ملزم نے سفرشروع ہوتے ہی موبائل پر فحش ویڈیو چلائی، اور دوران سفر لڑکی کو جنسی ہراساں کیا۔

بیان میں بتایا گیا ہے کہ رکشہ ڈرائیور نے لڑکی کا نقاب اتارنے کی کوشش کی، اور درست درازی کرتے ہوئے گالیاں اور دھمکیاں دیں۔

پولیس حکام نے بتایا کہ لڑکی نے رکشے کا نمبر نوٹ کرلیا تھا، رکشے کا نمبر 2594 اور ملزم کی عمر 25 سال تھی، لڑکی کے بیان کے مطابق مقدمہ درج کرلیا ہے، اور ملزم کی گرفتاری کے لئے قانونی کارروائی جاری ہے۔