انوپم کھیر وہ اداکار ہیں جنہیں کئی دہائیوں سے فلموں میں سر پر بغیر بالوں کے اداکاری کرتے دیکھا گیا، مداحوں کا خیال ہے کہ اب انوپم کھیر پر یہ ہی اسٹائل جچتا ہے اور اگر اب انہیں بالوں کے ساتھ دیکھا جائے گا تو وہ عجیب لگیں گے ۔ گو کہ ماضی میں وہ کچھ فلموں میں وِگ لگا کر اداکاری کرچکے ہیں۔

انوپم کھیر نے انسٹاگرام پر ویڈیو شیئرکی جس میں انہوں نے اپنے سر پر ٹیٹو بنوارکھا ہے لیکن یہ کوئی چھوٹا موٹا ٹیٹو نہیں بلکہ پورے سر پر محیط ہے ۔

اس ویڈیو کے کیپشن میں انوپم کھیر نے لکھا، ’یہ پوسٹ دنیا بھر کے گنجے افراد کے لیے ہے‘۔

فالوورزنے اداکار کی اس پوسٹ سے محظوظ ہوتے ہوئے تعریفی تبصرے کیے۔