ریسکیو ذرائع کے مطابق گجرات کے گورالہ پھاٹک اور سروس موڑ پر ٹرین نے 3 نوجوانوں کو کچل ڈالا، گورالہ پھاٹک پر 2 نوجوان ہینڈ فری لگا کر گانے سن رہے تھے کہ تیز رفتار ٹرین کی زد میں آگئے۔

ریسکیو ذرائع کے مطابق مرنے والوں کی شناخت 18سالہ افنان اور 15سالہ سمیع اللہ کے نام سے ہوئی ہے۔

دوسرے واقعے میں سروس موڑ پر بھی ریلوے لائن پر ویڈیو بناتا نوجوان ٹرین تلے کچلا گیا، تیسرے نوجوان کی سر کچل جانے کے باعث شناخت نہ ہو سکی۔

پولیس کا کہنا ہے کہ ٹرین گجرات سے راولپنڈی کی طرف جارہی تھی۔