عاصم الحکیم جدہ مسجد میں نماز جمعہ کی امامت کرتے ہیں اور کئی ٹی وی پروگراموں میں میزبان اور مہمان کے طور پر نمودار ہو چکے ہیں، وہ ایشیا اور یورپ کی مختلف یونیورسٹیوں میں لیکچر دے چکے ہیں۔

عبدالمقتدر نامی صارف نے عاصم الحکیم سے سوال کیا کہ یوٹیوب سے کمائی حلال ہے یا حرام؟

اس کے جواب میں عاصم الحکیم نے لکھا ’یہ حرام ہے۔‘

اس حوالے سے ان کا چار سال قبل دیا گیا ایک بیان یوٹیوب پر ہی دستیاب ہے، جس میں انہوں نے کہا تھا کہ یوٹیوبر ہونا آج کے معاشرے میں نوجوانوں کے لیے ایک اہم پیشہ بن گیا ہے۔

عاصم الحکیم کا کہنا تھا کہ ’اسلامی نقطہ نظر سے، یوٹیوب سے کمانا فطری طور پر حرام نہیں ہے، لیکن یہ اس مواد پر منحصر ہے جسے یوٹیوب اپ لوڈ کیا جائے، اگر کوئی یوٹیوبر موسیقی، خواتین، فحش گفتگو، فحاشی، اور بے حیائی پر مبنی حرام مواد اپ لوڈ کرتا ہے تو اس سے ہونے والی کمائی حرام سمجھی جائے گی۔‘