اقوام متحدہ کے امدادی ادارے کے سربراہ نے سلامتی کونسل کے اجلاس میں اظہار تشویش کیا ہے۔

مارٹن گریفتھس نے کہا کہ انہتر ممالک میں تقریبا چھتیس ملین افراد کو انسانی امداد کی ضرورت ہے۔

انھوں نے کہا کہ اناج کی قیمتوں میں اضافے سے خوراک کا بحران بڑھ رہا ہے، ترقی پذیر ممالک میں بھی اناج کی قیمتیں پہنچ سے باہر ہو رہی ہیں۔

ان کا کہنا تھا کہ شکاگو میں امریکی گندم کے مستقبل کے سودوں میں اس ہفتے چھ فیصد اضافہ ہوا۔ روس کے اناج معاہدے سے نکلنے کے بعد لاکھوں لوگوں کی زندگیاں خطرے میں پڑ گئیں ہیں۔

یاد رہے کہ بحیرہ اسود کے ذریعے اناج کا معاہدہ ایک سال قبل اقوام متحدہ اور ترکی کی ثالثِی میں ہوا تھا، دنیا بھر میں یوکرین اور روس دونوں اناج برآمد کرنے والے سرفہرست ملک ہیں۔