پٹرولیم ڈویژن کی طرف سے جاری مراسلے کے تحت برآمدی شعبے کو گیس اب مارکیٹ ریٹ پر ملے گی، آئندہ 3 ماہ میں ایل این جی بھی ایکسپورٹ سیکٹر کومارکیٹ ریٹ پر ملے گی جس کے نرخ اب 4 ڈالر کے بجائے 12 ڈالر ہوں گے۔

سوئی نادرن گیس کمپنی کو وزارت پیٹرولیم کی جانب سے مراسلہ بجھوادیا گیا ہے، جس میں بتایا گیا کہ 50 فیصد گیس اور 50 فیصد ایل این جی مارکیٹ ریٹ پر ملے گی۔

سوئی نادرن نے 5 بڑے ایکسپورٹ اورینٹڈ سیکٹر کو فیصلے سے آگاہ کر دیا ہے۔

حکومت نے رواں مالی سال کے بجٹ میں اس شعبے میں سبسڈی کے لیے کوئی رقم مختص نہیں کی۔

خیال رہے کہ گزشتہ سال اقتصادی رابطہ کمیٹی (ای سی سی) نے برآمدی شعبے کو بجلی اور گیس پر 60 ارب روپے کی سبسڈی فراہم کرنے کی منظوری دی تھی۔