آئی جی پنجاب ڈاکٹر عثمان انور نے لائسنس فیس میں بڑے پیمانے پر اضافے کی سمری حکومت کو بھجوا دی۔

سمری میں کہا گیا ہے کہ لرنر لائسنس کی فیس 60 روپے سے بڑھا کر 500 روپے کی جائے، موٹرسائیکل کے لائسنس کی فیس 550 سے بڑھا کر 2 ہزار کی جائے، کار اور جیپ کی لائسنس فیس 950 سے بڑھا کر 4 ہزار کی جائے۔

سمری میں مزید کہا گیا کہ ایل ٹی وی کی فیس 950 سے 4 ہزار جبکہ ایچ ٹی وی کی فیس 450 سے 4 ہزار کی جائے۔

انٹرنیشنل لائسنس کی فیس بھی 4 ہزار کرنے کی سمری بھجوا دی گئی۔ حکومت کی منظوری کے بعد پنجاب بھر میں نئی فیس کی وصولی کے ساتھ لائسنس جاری ہوں گے۔

ٹریفک قوانین کی مختلف خلاف ورزیوں پر 2 ہزار تک جرمانے کیے جارہے ہیں۔