اداکار سنی دیول ان دنوں اپنی فلم ’غدر 2‘ کی پروموشن میں مصروف ہیں اور اسی دوران انہوں نے پاکستان اور بھارت کے عوام کے حوالے سے گفتگو کی۔

انہوں نے کہا کہ کچھ لینے یا دینے کی بات نہیں ہوتی بات انسانیت کی ہوتی ہے، کوئی جھگڑے نہیں ہونے چاہئیں ، دونوں طرف اتنا ہی پیار ہے ، یہ سیاسی کھیل ہوتا ہے جو نفرتیں پیدا کرتا ہے اور وہی آپ اس فلم میں بھی دیکھیں گے۔

’اداکار کی جانب سے مزید کہا گیا کہ عوام نہیں چاہتی ایک دوسرے کے ساتھ جھگڑا کریں آخر ہیں تو ہم سب سی مٹی سے۔

واضح رہے کہ یہ فلم 2001 میں ریلز ہونے والی مشہور رومانوی فلم غدر کا دوسرا پارٹ ہے جس میں سنی دیول اور امیشا پٹیل نے متاثر کن اداکاری کر کے لوگوں کے دلوں میں گھر کرلیا تھا۔

فلم 11 اگست کو اکشے کمار کی فلم ’او ایم جی 2‘ کے ساتھ سینما گھروں کی زینت بنے گی۔