ایشین ہاکی چیمپیئنز ٹرافی 3 تا 12 اگست بھارت کے شہر چنائے میں ہورہی ہے، پاکستان اسپورٹس بورڈ کی جانب سے ایونٹ میں شرکت کے لیے قومی ہاکی ٹیم کو این او سی جاری کردیا گیا ہے۔ تاہم قومی ٹیم کے تین آفیشلز اب بھی ویزوں کے منتظر ہیں۔

ایشیئن چیمپئنز ٹرافی میں شرکت کے لئے پاکستانی ہاکی اسکواڈ یکم اگست کو بھارت روانہ ہوگا، قومی ٹیم واہگہ کے راستے بھارت داخل ہوگی، اور عمر بھٹہ کی قیادت میں براستہ امرتسر چنائے جائے گی۔

بھارت روانگی سے قبل ٹیم کا ایک پریکٹس سیشن لاہور میں ہے۔

ایشیئن چیمپئنز ٹرافی 3 اگست سے 12 اگست تک کھیلی جائے گی جس میں پاکستان کا پہلا میچ 3 اگست کو ملائیشیا سے ہوگا، روایتی حریف بھارت سے ٹاکرا 9 اگست کو ہوگا-