اداکارہ ہما قریشی نے ایک انٹرویو میں کہا کہ سوشل میڈیا ٹرولنگ کوئی نئی بات نہیں ہے اور معاملہ باڈی شیمنگ کا ہو تو تبصرے کرنے والوں کو مزید موقع مل جاتا ہے۔

انہوں نے کہا کہ اگر فلم پسند نہ آئے یا اداکارہ اچھی نہ لگے تو کسی پر ذاتی کمنٹس کرنے کے بجائے فلم نہ دیکھیں۔

انہوں نے مزید کہا کہ ابھی بھی ابھیشیک بچن کو اپنے والد کی طرح کامیاب نہ ہونے اور رانی مکھرجی کو ان کی آواز پرتنقید کا سامنا کرنا پڑتا ہے۔

اداکارہ کا مزید کہنا تھا کہ توہین آمیز زبان کا استعمال کرنا اور افواہیں پھیلانا غیر اخلاقی حرکت ہے، اگرآپ کو کسی کی فلم ناپسند ہے تو آپ اسے نہ دیکھیں۔

ہما قریشی نے ”جولی ایل ایل بی“، ”ڈبل ایکس ایل“، ”مونیکا“ اور ”اوہ مائی ڈارلنگ“ جیسی بلاک بسٹرز فلموں میں اداکاری کی ہے۔

ہما قریشی کا نام ودیا بالن سمیت ان مشہور شخصیات کی فہرست میں شامل کیا گیا ہے جن کو وزن سے متعلق تنقید کا سامنا کرنا پڑتا ہے۔