وسطی برسٹل میں واقع ”بینک ٹیورن“ نامی پب نما ریستوران اپنے ایوارڈ وننگ کھانوں کیلئے مشہور ہے، اور یہاں کھانے کیلئے آپ کو پہلے بکنگ کرانی پڑتی ہے جو فی الحال چار سال تک فُل ہے۔

انیسویں صدی کے اس پب کی ڈش ”سنڈے روسٹ“ اتنی مشہور ہے کہ ریسٹورنٹ نے بہت زیادہ آرڈرز کے باعث بہت پہلے ہی اپنا ریزرویشن سسٹم نئی بکنگ کے لیے بند کر دیا تھا۔

جب سے ایک مبصر نے پب کے ”کرسڈ روسٹ آلو“، ”پف اپ یارکشائرز“ اور مغربی ملک کے کھیتوں سے حاصل کیے گئے گوشت کی تعریف کی ہے، کھانے کے شوقین برطانیہ بھر سے اس پب کا رخ کر رہے ہیں۔

پب نے مارچ 2022 میں اپنی ویٹنگ لسٹ چار سال مکمل ہونے کے بعد بکنگ لینا بند کر دی تھی، اور ابھی بھی بکنگ کرنا ممکن نہیں ہے، لیکن اگر کوئی وہاں اپنی بکنگ پر پہنچ نہ سکے تو کچھ خوش قسمت لوگوں کو موقع مل سکتا ہے۔

ریستوران کے مالک سیم گریگوری کا کہنا ہے کہ ’ہمارے پاس ”اب“ آنے والے لوگ دو یا تین سال سے انتظار کر رہے ہیں۔‘