ایرانی وزیرخارجہ حسین امیر عبداللہیان اہم دورے پر پاکستان پہنچ گئے ہیں، اسلام آباد ایئر پورٹ پر دفترخارجہ کے حکام اور ایرانی سفیر نے ان کا استقبال کیا۔

ایران کے وزیرخارجہ اپنے دورے کے دوران وزیراعظم شہبازشریف، اسپیکر قومی اسمبلی راجا پرویز اشرف اور دیگرشخصیات سے ملاقات کریں گے۔

ایرانی وزیرخارجہ کے پاکستانی ہم منصب بلاول بھٹو سے باضابطہ مذاکرات ہوں گے، جس میں دو طرفہ تعلقات کے مزید فروغ پر مشاورت کی جائے گی، اور دونوں وزرائےخارجہ مشترکہ نیوز کانفرنس سے خطاب کریں گے۔

ذرائع کے مطابق افغانستان میں دہشت گردوں کی محفوظ پناہ گاہیں دونوں ممالک کے لیے باعث تشویش ہیں، ایرانی وزیرخارجہ کے دورہ کے موقع پر افغانستان میں سلامتی کی صورت حال پر خصوصی طور بات ہوگی۔