حیا کی فلم’As Far As They Can Run’ کو 44 ویں سالانہ نیوز اینڈ ڈاکیومنٹری ایمی ایوارڈز کی بہترین شارٹ ڈاکیومنٹری کیٹیگری کے لیے نامزد کیا گیا ہے۔

فلم میں پاکستان کے خصوصی اولمپکس پروگرام کے لئے ذہنی معذوری کے شکار, پاکستان کے دیہی علاقوں سے تعلق رکھنے والے تین نوجوانوں کے سفر کو دستاویزی شکل دی گئی ہے۔

حیا فاطمہ اقبال نے ایوارڈ کیلئے نامزدگی پر خوشی کا اظہارکرتے ہوئے سوشل میڈیا کے ذریعے آگاہ کیا کہ انکی فلم ک ایمی ایوارڈ کے لیے نامزد کیا گیا ہے۔

حیا فاطمہ اقبال نے بتایا کہ یہ فلم میرپورخاص اور اس کے آس پاس کے بچوں کی زندگیوں کی پیروی کرتی ہے جو ذہنی معذوری کا شکار ہوتے ہیں اور آخرکارکھلاڑی بننے کی تربیت حاصل کرتے ہیں۔

پاکستانی فلم میکر نے لکھا کہ یہ میرے لیے خوشی اور اعزاز کی بات ہے کہ ان بچوں میں سے ایک ثناء کپری نے پچھلے مہینے برلن میں ہونے والے اسپیشل اولمپکس میں مشعل روشن کی تھی۔

حیافاطمہ اقبال نے بتایا کہ میں نے اس فلم پر بطور فیلڈ پروڈیوسر کام کیا ہے، لیکن اور بہت سے لوگ ہیں جنہوں نے اس فلم کے لئے انتھک محنت کی ہے۔ انہیں امید ہے کہ اس بار بھی انکی فلم ایوارڈ کی حقدار رہے گی۔