دریائے ستلج میں ہیڈسلیمانکی کے قریب کشتی میں سوار 40 میں سے ڈوبنے والے 33 افراد کو ریسکیو کرلیا گیا ہے۔

ریسکیوحکام کے مطابق کشتی میں 40 افراد سوار تھے، واقعے کی اطلاع ملتے ہی ریسکیو آپریشن شروع کیا گیا اور 33 افراد کو بچالیا جب کہ تین بچوں سمیت پانچ افراد کی لاشیں نکال لی گئی ہیں۔

ضلعی انتظامیہ کا کہنا ہے کہ لاشوں کو دریا سے نکال کر اسپتال منتقل کردیا گیا جب کہ دیگر افراد کی تلاش کے لئے ریسکیو آپریشن جاری ہے۔