اس کیس میں عمران خان کے وکیل خواجہ حارث کا اہم کردار رہا ہے، یہاں تک کے اب عمران خان کی نااہلی بھی ان کے ذمہ ڈالی جارہی ہے۔

خواجہ حارث کو یہ اعزاز حاصل ہوگیا ہے کہ پاکستان کے دو سابق وزرائے اعظم جن کیسز میں نااہل ہوئے ان کیسز میں وکیل صفائی خواجہ حارث تھے۔

دوران سماعت خواجہ حارث متعدد بار طلب کئے جانے کے باوجود عدالت میں پیش نہ ہوئے، وہ کسی دوسری عدالت میں مصروف تھے۔ جس کے بعد جج ہمایوں دلاور نے فیصلہ سناتے ہوئے عمران خان کو سزا سنادی۔

اب عمران خان کی نااہلی کے بعد خواجہ حارث کو یہ اعزاز حاصل ہوگیا ہے کہ دو سابق وزرائے اعظم ان کے مؤکل رہے اور دونوں ہی نااہل ہوگئے۔

اس سے قبل خواجہ حارث مشہور پانامہ کیس میں سابق وزیراعظم نواز شریف کے وکیل بھی رہ چکے ہیں۔

سپریم کورٹ نے اس کیس میں نوازشریف کو تاحیات نااہل قرار دیا تھا، نواز شریف کے وکیل بھی خواجہ حارث ہی تھے۔