پولیس حکام کے مطابق اٹک میں ڈسٹرکٹ جیل ریلوے پھاٹک پکٹ پر پی ٹی آئی کارکنان کی جانب سے ہنگامہ آرائی کی گئی، اور پولیس کے پہنچنے پر بھگدڑ مچ گئی۔

حکام نے بتایا کہ ایک پولیس اہلکار نے نقاب پوش پی ٹی آئی کارکن کو موٹرسائیکل پر بٹھایا اور موقع سے فرار ہوگیا۔

حکام کے مطابق پولیس نے ناکہ لگا کر فرار ہونے والے اہلکار اور پی ٹی آئی کارکن کو گرفتار کرلیا، نقاب پوش کارکن ایم پی اے یاور بخاری کا بھائی خاور بخاری نکلا، جو پہلے ہی پولیس کو تھری ایم پی او میں مطلوب تھا۔

پولیس کے مطابق خاور بخاری گرفتاری کے بعد اٹک جیل منتقل کردیا گیا ہے، جب کہ پولیس اہلکارنجم حسین کے خلاف بھی مقدمہ درج کرلیا گیا ہے۔