کراچی: سندھ اور بلوچستان کے مختلف علاقوں میں گیس لوڈشیڈنگ کا اعلان

none@none.com (سید صفدر عباس) — Fri, 11 Aug 2023 17:12:21 +0500

کنڑ پساکھی گیس فیلڈ سالانہ مرمت کے باعث بند رہے گی، کراچی سمیت سندھ اور بلوچستان کے بعض علاقوں میں گیس کی لوڈشیڈنگ ہوگی۔

سوئی سدرن گیس کمپنی (ایس ایس جی سی) کے مطابق گیس فیلڈ کی سالانہ مرمت کی وجہ سے 12 سے 27 اگست تک گیس کی قلت ہوگی۔

ایس ایس جی سی کو 20 اگست تک 107 ایم ایم سی ایف ڈی گیس کی قلت کا سامنا ہوگا۔

21 سے 27 اگست تک شارٹ فال 50 ایم ایم سی ایف ڈی رہ جائے گا۔

یہ بھی پڑھیں:

ایس ایس جی سی کے مطابق سندھ اور بلوچستان کے علاقے متاثر ہوں گے۔

سوئی سدرن گیس کمپنی نے واضح کیا کہ کے الیکٹرک کو گیس فراہمی متاثر نہیں ہوگی۔

کے الیکٹرک کو معاہدے کے مطابق پچہتر ایم ایم سی ایف ڈی آر ایل این جی فراہم کی جارہی ہے۔

Aaj TV - Pakistan