”ہم سندھ میں رہنے والے سندھی مہمان نواز ہیں سارے“ سے شہرت کی بلندیوں کو چھونے والے گلوکار ”ممتاز مولائی“ نے ایک نئے انداز میں سندھ حکومت کو خراج تحسین پیش کیا ہے۔

ممتاز مولائی نے اپنے گانے میں سندھ حکومت کی جانب سے کراچی کے عوام کے لئے پیپلز بس سروس کے تحفے پر شکریہ ادا کیا ہے۔ اور بتایا ہے کہ شہر کے باسی کس طرح پرانی بسوں میں دھکے کھارہے تھے، لیکن نئی بسوں نے مزدور اور غریب عوام کا اے سی میں بیٹھنے کا خواب پورا کردیا۔

گانے میں پیپلزبس سروس کے ٹرمینلز کی عکس بندی کرتے ہوئے امید ظاہر کی گئی ہے کہ سندھ کے عوام امید رکھتے ہیں کہ ترقی کا یہ سفر اب نہیں رکے گا۔