تاہم اس ٹیکنالوجی کے ذریعے آرٹسٹس حضرات کے ہاتھ بھی نیا مشغلہ لگا ہے جو اپنےپسندیدہ افراد کو من پسند روپ میں ڈھال لیتے ہیں۔

اسی کے تحت ہمیں آئے روز مرحومین سمیت بہت سی معروف شخصیات نت نئے انداز میں دیکھنے کو ملتی ہیں۔ جشن آزادی سے قبل سب کی پسندیدہ نازیہ حسن بھی دلکش انداز میں سامنے آئی ہیں۔

موسیقی کے شائقین کے دلوں میں نازیہ حسن کی آواز کا جادو آج بھی زندہ ہے اور ان کے پرستار پاکستان پاپ انڈسٹری میں ان کی کمی ہر دورمیں محسوس کرتے ہیں۔

اس سال ایک مداح نے جشن آزادی کے موقع پر اے آئی تصویر سوشل میڈیا پر شیئر کی ہے جس میں نازیہ کو 14 اگست کی مناسبت سے سبز جوڑے میں دیکھا جاسکتا ہے۔

حقیقت کا گمان دیتی نازیہ حسن کی اس تصویر کو پرستار بہت پسند کر رہےہیں۔

دوسری جانب یوٹیوب پر ایک وڈیو سامنے آئی ہے جس میں نازیہ حسن کو منفرد انداز میں خراج عقیدت پیش کیا گیا ہے۔

پاپ میوزک انڈسٹری کی لیجنڈ نازیہ حسن کی اس اے آئی ٹیکنالوجی سے بنی نئی تصویر نےمداحوں کو خوشگوار حیرت میں مبتلا کیا۔