محکمہ صحت نے پنجاب انسٹیٹیوٹ آف کارڈیالوجی کے تمام آپریشن تھیٹرز مکمل طور پر فعال کردیے۔ جس کے بعد پنجاب میں دل کے مریضوں کی مشکل 12 روز بعد دور ہو گئی۔

نگراں وزیر صحت ڈاکٹر جاوید اکرم کہتے ہیں کہ نو میں سے سات آپریشن تھیٹرز انفیکشن آڈٹ کےلیے عارضی طور پر بند کیے گئے تھے، مگر کلیرنس ملتے ہی فنکشنل کردیے ہیں۔

انھوں نے کہا کہ پنجاب کے سرکاری اسپتالوں میں مریضوں کے محفوظ علاج کو ہر صورت یقینی بنایا جائے گا۔

یہ بھی پڑھیں:

پی آئی سی لاہور میں آپریشن تھیٹرز بند، دل کا کوئی بائی پاس آپریشن نہ ہوسکا

پنجاب میں صحت کارڈ پر دل کا علاج اور آپریشن بند

یاد رہے کہ نگراں وزیراعلیٰ پنجاب محسن نقوی نے پنجاب انسٹی ٹیوٹ آف کارڈیالوجی لاہورکے تمام آپریشن تھیٹر انفیکشن فری کرنے کی ہدایت کی تھی جس کے بعد آپریشن تھیٹرز کو بند کیا گیا اور اب انھیں انفیکشن آڈٹ کلیرنس کے بعد کھول دیے گئے۔