جسٹس راحیل کامران شیخ پرویز الہٰی کی اہلیہ قیصرہ الہیٰ کی درخواست پر ریگولر کیس کی حیثیت سے سماعت کریں گے۔

درخواست گزار نے اپنے شوہر پرویز الہٰی کی نظر بندی کو ہائیکورٹ میں چیلنج کر رکھا ہے۔ قیصرہ الہیٰ نے درخواست میں نگراں پنجاب حکومت ، ایڈیشنل چیف سیکرٹری، ہوم سمیت و دیگر کو فریق بنایا ہے۔

یاد رہے کہ قیصرہ الہٰی نے پرویز الہٰی کی نظر بندی کو چیلنج کر رکھا ہے، دائر درخواست میں موقف اختیار کیا گیا ہے کہ پرویز الہٰی کے خلاف سیاسی بنیادوں پر مقدمات قائم کیے گئے۔

درخواست میں کہا گیا کہ مقدمات میں ضمانت کے بعد عدالت نے رہائی کے احکامات جاری کیے، حکومت نے نظر بندی کے احکامات جاری کرتے ہوئے پرویز الہٰی کو پھر قید کر لیا۔

سابق وزیر اعلیٰ کی اہلیہ نے استدعا کی ہے کہ عدالت نظر بندی کو غیر قانونی قرار دے۔

واضح رہے کہ ایڈیشنل چیف سیکرٹری ہوم نے پرویز الہٰی کی نظر بندی کا معاملہ مزید کارروائی کے لئے صوبائی کابینہ کو بھجوا رکھا ہے۔