شاہی قلعہ لاہورمیں جشن آزادی کے موقع پر خصوصی محفل موسیقی کا اہتمام کیا گیا۔ نگران وزیر اعلی محسن نقوی مہمان خصوصی، گورنر پنجاب بلیغ الرحمان، چیف جسٹس لاہور ہائی کورٹ محمد امیر بھٹی، کور کمانڈر لاہور لیفٹیننٹ جنرل سید عامر رضا، چین، امریکا اور ایران کے قونصل جنرل، چیف الیکشن کمشنر کی یوم آزادی کی مناسبت سے خصوصی تقریب میں شریک تھے۔

وزیراعلی اور دیگر شخصیات نے ملی نغمے سنے اور راحت فتح علی خان کی پرفارمنس کو سراہا اور موسیقی کے اختتام پر گریٹر اقبال پارک میں آتش بازی کا شاندارمظاہرہ کیا گیا۔ تقریب کے شرکاء نے شاہی قلعہ سے آتش بازی مظاہرہ دیکھ کر خوب انجوائے کیا۔