عمران خان نے یہ درخواست وکیل سمیر کھوسہ کےتوسط سے لاہور ہائیکورٹ میں دائر کی ہے۔

درخواست میں وفاقی حکومت، الیکشن کمیشن اور دیگر کو فریق بنایا گیا ہے۔

درخواست میں موقف اختیارکیا گیا ہے کہ الیکشن کمیشن نے پیش نہ ہونے پرناقابل ضمانت وارنٹ گرفتاری جاری کیے، یہ اقدام ماورائے آئین و قانون تھا۔

درخواست کے متن کے مطابق الیکشن کمیشن میں پیش ہونے پر فرد جرم عائد کرنے کی تاریخ مقرر کی گئی۔ الیکشن کمیشن ادارہ ہے عدالتی اختیار استعمال نہیں کرسکتا۔

عمران خان نے درخواست میں استدعا کی ہے کہ عدالت توہین الیکشن کمیشن سے متعلقہ تمام اقدامات اور کاروائیاں کالعدم قرار دے۔