شاہین شاہ آفریدی پاکستانی پہلے بولر ہوں گے جو انٹرنیشنل لیگ ٹی 20 کا حصہ بن گئے، لیگ کا حصہ بننے کے بعد وہ دوسرے سیزن میں ایکشن میں نظر آئیں گے۔

قومی کرکٹ ٹیم کے فاسٹ بولر شاہین شاہ آفریدی ”ڈیزرٹ وائپرز“ کی طرف سے کھیلتے ہوئے نظر آئیں گے، ان کا اس فرنچائز کے ساتھ معاہدہ 3 سال کے لیے ہوا ہے۔

مزید پڑھیں

شاہین شاہ آفریدی 100 ویں ٹیسٹ وکٹ سے ایک قدم دور

شاہین شاہ آفریدی کو دنیا کے بہترین بولر کا لقب کیوں ملا؟

شاہین شاہ آفریدی نے کرکٹ کی تاریخ کا منفرد ریکارڈ بناڈالا

اس حوالے سے اپنے ایک بیان میں شاہین شاہ آفریدی نے کہا کہ وہ لیگ میں شرکت کے حوالے سے پُر جوش ہیں۔

ان کا کہنا تھا کہ کیوں کہ یو اے ای میں پاکستانی شائقین بڑی تعداد میں موجود ہیں جو ان کی ٹیم کو بھی سپورٹ کریں گے۔

واضح رہے کہ ڈیزرٹ وائپرز آئی ایل ٹی 20 کے پچھلے سیزن کی رنر اپ ٹیم ہے جبکہ لیگ کا دوسرا سیزن جنوری 2024 میں متحدہ عرب امارات میں ہوگا۔

یہ بھی یاد رہے کہ سابق چیئرمین پی سی بی رمیز راجا نے اپنے دور میں قومی ٹیم کے کھلاڑیوں کو لیگ میں شرکت کی اجازت نہیں دی تھی۔