عدالت آوارہ کتوں کی بھر مار سے متعلق سماعت کے دوران شکایت سے متعلق ہیلپ لائن غیر فعال ہونے پر برہمی کا اظہار کرتے ہوئے سیکرٹری لوکل گورنمنٹ اور پروجیکٹ ڈائریکٹر اینٹی ریبیرز کو طلب کرلیا۔

طارق منصورایڈووکیٹ نےعدالت کو بتایا کہ 2022 میں آوارہ کتوں نے صوبے میں دو لاکھ شہریوں کو کاٹا، کراچی میں 26 ہزار شہریوں کو کاٹا گیا۔

درخواست مؤقف پیش کیا کہ آج بھی اسپتالوں میں اینٹی ریبیز ویکسین دستیاب نہیں ہے۔

جسٹس عرفان سعادت خان نے کہا کہ کون ہے یہ سب دیکھنے والا ہے، کسی کی ذمہ داری ہے؟ بلاؤ انہیں۔ سرکاری وکیل نے سیکرٹری لوکل گورنمنٹ کی ذمہ داری ہے۔

عدالت نے فریقین سے17ستمبر کو رپورٹ طلب کرتے ہوئے ربر کی گولیوں سے کتوں کو نشانہ بنانے کی درخواست نمٹادی ہے۔