نگراں وزیراعلیٰ بلوچستان کا پہلا اقدام، قیدیوں کی سزا میں 2 ماہ کی رعایت کا اعلان

none@none.com (سہیل احمد) — Fri, 18 Aug 2023 22:31:52 +0500

نگراں وزیراعلیٰ بلوچستان علی مردان خان ڈومکی نے عہدے کا چارج سنبھالتے ہی صوبے میں قیدیوں کی سزا میں 2 ماہ کی رعایت کا اعلان کر دیا۔

نگراں وزیراعلیٰ بلوچستان نے ذمہ داریاں سنبھالتے ہی پہلے اقدام کے طور پر صوبہ بلوچستان کی جیلوں کے قیدیوں کی سزا میں 2 ماہ کی رعایت کا اعلان کیا ہے۔

حلف برداری کی تقریب

اس سے قبل علی مردان ڈومکی نے نگراں وزیرِ اعلیٰ بلوچستان کے عہدے کا حلف اٹھا لیا، گورنر بلوچستان عبدالولی کاکڑ نے نگراں وزیراعلیٰ سے حلف لیا۔

گورنر ہاؤس میں جمعے کو منعقد ہونے تقریب میں وفاقی وزیر داخلہ سرفراز بگٹی اور سابق وزیر اعلی بلوچستان جام کمال خان نے بھی شرکت کی۔

میر علی مردان ڈومکی صوبے کے 7 ویں نگراں وزیر اعلیٰ تعینات ہوئے ہیں۔

اس موقع پر نگران وزیر اعلیٰ علی مردان ڈومکی نے میڈیا سے گفتگو کرتے ہوئے کہا کہ وہ صوبے کی عوام کے لیے ہر ممکن کام کریں گے۔

انہوں نے بتایا کہ نگراں کابینہ کا اعلان 2 سے تین 3 میں کریں گے۔