بھارتی میڈیا کے مطابق حیدر آباد پولیس نے لگا تار دو دن میچز کی سکیورٹی نہ دینے کا مؤقف اختیار کیا ہے۔

حیدر آباد کرکٹ ایسوسی ایشن نے اس صورتحال میں سکیورٹی کے بارے میں تحفظات سے بھارتی بورڈ کو آگاہ کردیا ہے۔

راجیو گاندھی اسٹیڈیم حیدرآباد میں 9 اکتوبر کو نیوزی لینڈ اور نیدر لینڈز جبکہ 10 اکتوبر کو پاک سری لنکا میچز ری شیڈولڈ کئے گئے تھے۔

اس سے پہلے نووارتری تہوار کی وجہ سے پاک بھارت ہائی وولٹیج ٹاکرا 15 کے بجائے 14 اکتوبر اور لاجسٹک مسائل کی وجہ سے پاک سری لنکا میچ دو روز پہلے شیڈول کیا گیا تھا۔

یہ بھی پڑھیں : ورلڈ کپ 2023: آئی سی سی نے ٹکٹوں کی فروخت کا اعلان کردیا

پاک انگلینڈ میچ بھی کالی پوجا کی وجہ سے کولکتہ میں 12 نومبر کی بجائے 11 نومبر کو کیا گیا۔ اب اس صورتحال میں ایک مرتبہ پھر شیڈول میں تبدیلی کے امکانات پیدا ہو گئے ہیں۔