بلوچستان کی نگراں کابینہ کے حوالے سے نگراں وزیر اعلیٰ علی مردان ڈومکی کی قریبی ساتھیوں سے مشاورت کا سلسلہ جاری ہے، اور ذرائع کا کہنا ہے کہ اس حوالے سے حتمی فیصلہ آج شام تک متوقع ہے۔

ذرائع کا کہنا ہے کہ بلوچستان کی نگران کابینہ ایک خاتون رکن سمیت 10 سے 12 ارکان پر مشتمل ہونے کا امکان ہے۔

ذرائع کے مطابق نگران کابینہ کے لئے پرنس احمد علی، میر رامن محمد حسنی، ساجد دشتی، شہریار درانی، شانیہ خان، امجد رشید، سردار فرید دمڑ، مولوی محب اللہ، جان اچکزئی، عبید گورگیج، آغا عمر بنگلزئی اور عطاء الحق کاکڑ کا نام بھی زیر غور ہے۔

ذرائع کا کہنا ہے کہ نگران کابینہ میں جمیعت علماء اسلام اور باپ پارٹی کے رہنماؤں کو ترجیح دی جارہی ہے۔