سپریم کورٹ میں تحریک انصاف کے استعفوں کے حوالے سے دائر درخواست پر سماعت ہوئی، چیف جسٹس عمر عطا بندیال کی سربراہی میں دو رکنی بینچ نے درخواست پر سماعت کی۔

پی ٹی آئی کے وکیل نے عدالت میں مؤقف پیش کیا کہ 2013 کی اسمبلی معیاد پوری کرکے ختم ہوچکی ہے، استعفی سے متعلق درخواست غیر مؤثر ہو چکی ہے۔

چیف جسٹس عمرعطا بندیال کی سربراہی میں دو رکنی بینچ نے درخواست غیر مؤثر قرار دیتے ہوئے خارج کردی۔

واضح رہے کہ شاہد اورکزئی نے 2014 میں پی ٹی آئی کے استعفوں منظوری کیلئے سپریم کورٹ میں درخواست دائر کی تھی۔