اطلاعات کے مطابق اکبر خان عارضی قلب میں مبتلا تھے انہوں نے کئی مشہور ڈراموں میں اداکاری کی جن میں ڈرامہ سیریل پری زاد، دل ربا، عشق زہے نصیب شامل ہیں، وہ کامیڈی ڈرامے بلبلے میں بطور مہمان اداکار بھی نظر آئے۔

اکبرخان کی نمازجنازہ نارتھ کراچی سیکٹر فائیو سی ٹو کی مسجد اقصی میں ادا کی گئی، جس میں شوبز سے تعلق رکھنے والے افراد نے شرکت کی ۔

فنکاروں نے انکی وفات پر افسوس کا اظہار کرتے ہوئے کہا ہے کہ انکی رحلت سے انڈسٹری میں ایک بڑا خلا پیدا ہوگیا ہے، فن اور اداکاری کے شعبوں میں ان کی خدمات کو یاد رکھا جائے گا۔