سماجی رابطے کی ویب سائٹ ٹویٹر پر اپنی ٹویٹ میں جماعت اسلامی کے رہنما اور سینیٹر مشتاق احمد نے بتایا کہ انہوں نے سپارکو (Pakistan Space & Upper Atmosphere Research Commission) کے حوالے سے سینیٹ میں سوال جمع کرا دیا ہے۔

سنیٹر مشتاق کے مطابق انہوں نے سوال کیا ہے کہ کیا وزیر انچارج برائے کابینہ بتائیں گے کہ
کیا سپارکو کا چاند کی تسخیر کا کوئی منصوبہ ہے اگر ہے تو کب تک؟ اورسپارکو کے جولائی 2022 ء سے جون 2023ء تک بجٹ اور اخراجات کی تفصیلات کیا ہیں؟۔

سینیٹر مشتاق احمد نے سوال اٹھاتے ہوئے تفصیلات مانگی ہیں کہ سپارکو کے گزشتہ 5 سربراہ کون رہے ہیں، اور ان کے نام، تعلیمی قابلیت اور سانئسی خلائی مہارتوں کی تفصیلات کیا ہیں۔