اے ایف پی کے مطابق امریکی حکام کا کہنا ہے کہ حادثے کی جگہ سے 5 میرینز کو بچا لیا گیا تھا اور تشویشناک حالت اسپتال منتقل کردیا گیا ہے۔

آسٹریلوی پولیس کا کہنا تھا کہ وہ جائے وقوع پر باقی زخمی عملے کی تلاش کررہے ہیں۔ امریکی فوجی حکام نے کہا کہ جہاز میں کُل 23 اہلکار سوار تھے۔

حکام کے مطابق تین افراد کی ہلاکت کی تصدیق ہوگئی ہے، جبکہ پانچ دیگر کو تشویشناک حالت میں رائل ڈارون اسپتال منتقل کر دیا گیا ہے۔

خبرایجنسی کے مطابق ہیلی کاپٹر میں23 امریکی میرینز سوار تھے، جو جنگی مشقوں کا حصہ تھا۔

آسٹریلیا کی وزارت دفاع نے کہا کہ حادثہ آسٹریلیا، امریکا، مشرقی تیمور، انڈونیشیا اور فلپائن کی سالانہ مشقوں کے دوران پیش آیا۔

آسٹریلین ڈیفنس فورس (اے ڈی ایف) نے کہا کہ ہیلی کاپٹر میں کوئی آسٹریلوی اہلکار سوار نہیں تھا۔