فی الوقت شاہد آفریدی یو ایس ماسٹرز ٹی 10 لیگ میں ”نیو یارک واریئرز“ کے کھلاڑی ہیں۔

”دی ٹیکساس چارجرز“ نے سپر اوور میں مقابلہ جیتا تھا جبکہ کرکٹ اسٹار کی فرنچائز پہلے سیزن میں فائنلسٹ تھی۔

شاہد آفریدی اور سہیل خان کی ملاقات ٹورنامنٹ کے اختتام کے بعد ائرپورٹ پر ہوئی۔

شاہد آفریدی نے اس ملاقات کی ویڈیو اپنے سوشل میڈیا اکاؤنٹ انسٹاگرام پر پوسٹ کی ہے۔

مزید پڑھیں:

’میری پیاری بیٹی، کل کی سی بات لگتی ہے جب میں نے تمہیں گود میں لیا تھا‘

شاہد آفریدی اور بیٹیوں کی امریکا میں سنیل شیٹی سے ملاقات

شاہد آفریدی نے کوئٹہ میں خود سے موسوم کرکٹ اکیڈمی کا سنگ بنیاد رکھ دیا

شاہد آفریدی نے ویڈیو کے کیپشن میں لکھا، ’گزشتہ 40 دن سے ٹورنامنٹ اور شاہد آفریدی فاؤنڈیشن کے عطیات ایونٹس کی وجہ سے امریکہ اور کینیڈا کا سفر کر رہا ہوں اور پاکستان کو یاد کر رہا ہوں مگر ایک بات یقینی طور پر کہہ سکتا ہوں کہ کھیل، خاص طور پر کرکٹ سے زیادہ کوئی بھی چیز لوگوں کو متحد نہیں کرتی، اس کھیل سے پیار ہے۔‘

ویڈیو میں شاہد آفریدی اور سہیل خان کو ایک دوسرے کو مبارکباد دیتے ہوئے دیکھا جا سکتا ہے۔

واضح رہے کہ 30 اگست سے شروع ہونے والے ایشیا کپ کے میچز کی میزبانی سری لنکا اور پاکستان کریں گے، پہلا میچ ملتان میں ہوگا جس میں پاکستان اور نیپال کی ٹیمیں آمنے سامنے ہوں گی۔