ڈیوٹی جج اسپیشل سنٹرل کورٹ نے پرویز الہی کیس کی سماعت کی، جبکہ عدالت نے آج چالان مکمل کرکے پیش کرنے کے ساتھ ہی مونس الٰہی کو بھی پیش کرنے کا حکم دے ر کھا تھا۔

ایف آئی اے پراسیکیوٹر کی جانب سے چالان سے متعلق پراگریس رپورٹ پیش کی گئی۔

پراسیکیوٹر کا کہنا ہے کہ شریک ملزم مونس الہی کو اشتہاری قرار دینے کی کارروائی جاری ہے، مکمل ہونے کے بعد چالان عدالت میں جمع کروایا جائے گا۔

واضح رہے کہ ایف آئی اے نے پرویز الہی اور مونس سمیت دیگر ملزمان کیخلاف مقدمہ درج کر رکھا ہے، ملزمان پر مشکوک ٹرانزیکشن اور منی لانڈرنگ کا الزام ہے۔