ذرائع کے مطابق امریکی ڈالر کے مقابلے روپے کی قدر میں مسلسل کمی کے باعث روپے پیٹرولیم مصنوعات کی قمیتوں میں یکم سے 15 ستمبر تک بڑا اضافہ متوقع ہے۔

ذرائع کا کہنا ہے کہ پیٹرول کی قیمت میں 10 روپے فی لیٹر جب کہ ہائی اسپیڈ ڈیزل کی قیمت میں 15 روپے فی لیٹر اضافہ ہوسکتا ہے۔

ذرائع نے بتایا کہ قیمتوں میں اضافے کی حتمی منظوری ورزات خزانہ وزیراعظم کی مشاورت سے دے گی۔

اس کے علاوہ حکام کی جانب سے ڈیزل پر پیٹرولیم لیوی میں دو روپے فی لیٹر جب کہ مٹی کے تیل اور پیٹرول پر لیوی برقرار رکھنے کی تجویز دی گئی ہے۔

واضح رہے کہ پیٹرول، ڈیزل کے علاوہ بجلی کے فی یونٹ اور گیس کی قیمتوں میں 60 فیصد تک بڑے اضافے کا امکان ہے۔

پیٹرولیم ڈویژن نے قدرتی گیس کی قیمتوں میں 60 فیصد تک اضافے کا ارادہ کرلیا، گردشی قرضہ کم کرنے کیلئے پلان آئی ایم ایف کی ہدایت پر تیار کیا گیا ہے۔

یہ بھی پڑھیں:

احتجاج کے باوجود بجلی مزید مہنگی کرنے کا امکان

عالمی مارکیٹ میں ریٹ بڑھنے کے بعد ملک میں سونا مہنگا

دوسری جانب بجلی کی فی یونٹ قیمت میں مزید دو روپے 7 پیسے فی یونٹ اضافے کا امکان ہے، اضافہ ماہانہ فیول پرائس ایڈجسٹمنٹ کی مد میں ہوگا جس کی منظوری کی صورت میں بجلی صارفین پر35 ارب کا اضافی بوجھ پڑے گا۔