نومو فوبیا (Nomophobia) ایک اصطلاح ہے جو اُس پریشانی کو بیان کرنے کے لیے استعمال ہوتی ہے جو کوئی شخص اس وقت محسوس کرتا ہے جب اسے اپنے موبائل فون تک رسائی حاصل نہیں ہوتی۔ ایسے لوگوں کو نوموفاب کہتے ہیں۔

بی ایم سی سائیکائٹری میں شائع ہونے والی تحقیق میں کہا گیا ہے کہ ’نوموفوب وہ لوگ ہیں جو اپنے موبائل فون کی لت کا مظاہرہ کرتے ہیں۔‘

نوموفوبیا کی علامات نشے یا دیگر اضطراب کی علامات کی عکاسی کرتی ہیں جن میں بے چینی، پسینہ، بدگمانی، سانس لینے میں تبدیلیاں،دل کی بے ترتیب دھڑکن شامل ہیں۔

نوموفوبیا کی وجوہات

تحقیق کے مطابق نوعمر افراد نوموفوبیا سے سب سے زیادہ متاثر ہوتے ہیں، لیکن کوئی بھی عمر کا گروپ اس کا شکار بن سکتا ہے۔

طبی ماہر نفسیات اور ٹی وی شو کے ٹاک شو میزبان مشیل لینو کا کہنا ہے کہ بہت سے لوگوں کے نوموفوبیا کا سامنا کرنے کی ایک بہت بڑی وجہ ہمارے موبائل فون پر انحصار ہے ۔

انہوں نے کہا کہ ’جب ہم انہیں فوری طور پر استعمال نہیں کر پاتے تو فکر مند ہو جاتے ہیں کیونکہ ہمیں لگتا ہے کہ ہم کسی چیز سے محروم ہو رہے ہیں۔ ہماری یہ ذہنیت ہے کہ ہمارے فون ہمیں ہر وقت ہر چیز سے منسلک رہنے دیتے ہیں۔‘

مزید پڑھیں

اگر موبائل فون پانی میں گر جائے تو گھبرانے کی بالکل ضرورت نہیں

موبائل فون کی بیٹری کیلئےچند اہم ہدایات

موبائل فون کو صاف کرنے کے مفید طریقے

نوموفوبیا سے لڑنے کے طریقے

نوموفوبیا سے نجات پانا ناممکن نہیں ہے۔ کچھ کام ایسے ہیں جو آپ اس حالت کا مقابلہ کرنے کے لیے کر سکتے ہیں۔

• خود کو اپنے فون کے بغیر آرام کرنے دیں۔
• جان بوجھ کر کسی بھی وقت ایک گھنٹے تک اپنے فون سے دور رہیں۔ اگر یہ مددگار نہ ہو تو اسے آف کرنے پر غور کریں۔
• جب آپ کسی تقریب میں شرکت کر رہے ہوں یا باہر جائیں تو اپنے فون کو گھر پر یا گاڑی میں چھوڑ دیں۔
• گھڑی کے لیے اپنے فون پر بھروسہ کرنے کے بجائے وقت معلوم کرنے کے لیے گھڑی پہنیں۔
• اہم واقعات کو شیڈول کرنے کے لیے کیلنڈر یا پلانر کا استعمال کریں۔
• نئے مشاغل تلاش کریں جو آپ کو اپنے فون سے دور وقت گزارنے اور ان پلگ کرنے کی اجازت دیں۔

• اپنے فون کے بغیر ہونے کے بارے میں اپنے منفی خیالات کو چیلنج کریں۔ اپنے آپ کو یاد دلائیں کہ اگر آپ اسے کچھ وقت کے لیے دور رکھیں گے تو سب کچھ ٹھیک ہو جائے گا۔
• اضطراب سے نمٹنے کے لیے مراقبہ اور سانس لینے کی مشقوں کے ذریعے ذہن سازی کی مشق کریں۔
• انتہائی صورتوں میں، دماغی صحت کے پیشہ ور سے مدد طلب کریں۔