چیئرمین تحریک انصاف کی اہلیہ بشریٰ بی بی نے ممکنہ گرفتاری سے بچنے کے لیے لاہور ہائیکورٹ میں درخواست ضمانت قبل از گرفتاری دائر کی ہے۔

بشریٰ بی بی کی درخواست میں وفاق، نیب، ایف ائی اے سمیت دیگر کو فریق بناتے ہوئے مؤقف اختیار کیا گیا ہے کہ میں سابق وزیر اعظم پاکستان کی اہلیہ ہوں، میرے شوہر کو سیاسی انتقام کا نشانہ بنایا جا رہا ہے، نیب، ایف آئی اے، پنجاب پولیس سمیت دیگر اداروں نے بے بنیاد اور خلاف قانون مقدمات درج کر رکھے ہیں۔

درخواست میں موقف پیش کرتے ہوئے استدعا کی گئی ہے کہ شوہر کے بعد اب مجھے بھی سیاسی انتقام کا نشانہ بنایا جا رہا ہے، عدالت مقدمات کی تفصیلات فراہم کرنے تک کسی بھی مقدمہ میں گرفتاری سے روکے۔