بلال شاہ کی والدہ اور حریم شاہ کی ساس شہزادی بیگم نے ان کے گھر پہنچنے کی تصدیق کرتے ہوئے کہا کہ بلال چند روز قبل لاپتا ہوئے تھے لیکن وہ کل رات 12 بجے گھر پہنچ گئے ہیں۔

حریم شاہ کی ساس نے نے بتایا کہ بلال نے گھر واپس آکر اب تک کچھ نہیں بتایا ہے۔

دوسری جانب پولیس کا کہنا تھا کہ مغوی کا بیان لیا جائے گا اور واقعہ کی تحقیقات کی جا رہی ہیں۔

پولیس نے کہا کہ اغواء کا مقدمہ بلال کی والدہ بی بی شہزادی بیگم کی مدعیت میں ڈیفنس تھانے میں درج کیا گیا تھا۔

واضح رہے کہ دو روز قبل ویڈیو بیان میں حریم شاہ نے دعویٰ کیا تھا کہ ان کے شوہر بلال شاہ کو کراچی سے اغوا کرلیا گیا ہے۔