غیرملکی میڈیا رپورٹ کے مطابق اسکول کا کہنا ہے کہ ہم حکومت کی اسلاموفوبک پالیسی سے خود کو دور کرنا چاہتے ہیں۔

جس اسکول میں ہڑتال کی کال دی گئی ہے، وہ موریس یوٹریلو ہائی اسکول ہے، جو سین سینٹ ڈینس میں واقع ہے۔

پیرس کے شمال مشرق میں واقع یہ ایک غریب مضافاتی علاقہ ہے، جہاں رہنے والوں کا تعلق افریقہ اور مشرق وسطیٰ سے ہے۔

حکومتی فیصلے پراحتجاج کا فیصلہ اسکول کی دو طلبا تنظیموں کی جانب سے کیا گیا، جن کا کہنا ہے کہ لباس پرپابندی تعلیم میں سیکولرازم سے متعلق فرانسیسی قوانین کو توڑتے ہیں۔

احتجاج کرنے والوں میں شامل ایک طالب علم نے بتایا کہ ان کے پاس کئی ماہ سے اساتذہ نہیں ہیں کیونکہ ان کے متبادل میں کوئی اور دستیاب نہیں تھا لیکن پھر بھی اہم نے اس کے لیے وقت نکالا ۔

احتجاج میں والدین بھی شامل تھے ، اسکول عملے نے اس بات پر تنقید کی کہ ان کو جو وسائل فراہم کیے گئے ہیں وہ ناکافی ہیں۔

واضح رہے کہ پیر کے روز متعدد لڑکیوں کو اسکول کے پہلے دن عبایا اتارنے سے انکار پر گھر بھیج دیا گیا تھا۔

دوسری جانب فرانسیسی عدلیہ نے بھی اسکولوں میں حجاب پر پابندی قانونی قرار دے دی ہے۔