سرکاری سطح پر چینی کی فی کلو قیمت 200 روپے تک پہنچنے کا اعتراف کرلیا گیا ہے، وفاقی ادارہ شماریات نے چینی کی قیمتوں کا نیا ڈیٹا جاری کردیا۔

قومی ادارہ شماریات کے مطابق ایک ہفتے میں چینی کی فی کلو قیمت میں 25 روپے تک کا اضافہ ریکارڈ کیا گیا جس کے بعد پشاور اور کوئٹہ میں چینی کی فی کلو قیمت 200 روپے تک پہنچ گئی۔

رپورٹ میں بتایا گیا ہے کہ کراچی اور راولپنڈی میں چینی کی فی کلو قیمت 195 روپے جب کہ اسلام آباد میں فی کلو چینی کی قیمت 190 روپے ہوئی ہے۔

یہ بھی پڑھیں:

چینی کی قیمتوں میں مزید اضافہ ہوگیا

پنجاب حکومت نے چینی اسمگلنگ میں ملوث 13 بڑے نام ایف آئی اے کو دے دیے

سرکاری اعداد و شمار کے مطابق حالیہ ہفتے راولپنڈی میں چینی 20 روپے، کراچی اور اسلام آباد میں چینی کی فی کلو قیمت 15 روپے تک بڑھی ہے۔