راولپنڈی کے علاقے موہڑہ چھپر میں تھانہ دھمیال کی حدود میں موبائل شاپ پر ڈکیتی کی واردات میں ڈکیت گن پوائنٹ پر دوکاندار سے ڈیڑھ لاکھ نقدی اور موبائل فون چھین کر فرار ہوگئے۔

فوٹیج میں دیکھا جا سکتا ہے کہ نقاب پوش گن تانے موبائل شاپ سے نقدی لوٹ رہا ہے،ایک ڈاکو ہیلمٹ پہنے دوکان کے اندر گھوم کر باہر کا جائزہ بھی لیتا رہا۔

ڈاکوؤں نے دوکاندار سے موبائل فون اور سمارٹ واچ بھی چھین لی۔

فوٹیج میں دیکھا جا سکتا ہے کہ ڈاکوؤں نے دوکاندار کو لاتوں اور مکوں سے تشدد کا نشانہ بھی بنایا۔