سید عارف حسن نے لاہور میں پریس کانفرنس کرتے ہوئے بتایا کہ ایشینز گیمز میں 137 مرد اور 53 خواتین کھلاڑی شرکت کریں گے۔ دستے میں 72 آفیشلز بھی شامل ہیں۔

سید عارف حسن کے مطابق مختلف کھیلوں کے کھلاڑی مختلف تاریخوں میں چین جائیں گے،پاکستان اسپورٹس بورڈ (پی ایس بی) 164 کھلاڑیوں اور آفیشنلز کو اسپانسر کر رہا ہے۔

مزید پڑھیں: پاکستان ایشیا کپ کے فائنل میں کیسے پہنچ سکتا ہے

انہوں نے کہا کہ ارشد ندیم کا جب کوچ گیا تو اس کی پرفارمنس بہتر نہیں تھی، برمنگھم میں ارشد ندیم کے ساتھ کوچ نہیں تھا، تب اس نے 90 میٹر تھرو پھینکی۔

انہوں نے بتایا کہ نیشنل گیمز میں تین اتھلیٹس ڈوپنگ میں پکڑے گئے، اس بار کیمپس طویل ہونے کی بنا پر اچھی پرفارمنس کی امید ہے۔

سید عارف حسن نے کہا کہ پی او اے کا رول ملک میں اسپورٹس ڈویلپمنٹ نہیں ہے، اسپورٹس ڈویلپمنٹ فیڈریشنز کا کام ہے، ٹیموں کاانتخاب فیڈریشن کی ذمہ داری ہے۔

ان کا مزید کہنا تھا کہ ہر دستے میں ایک سیف گارڈ لانا لازم ہے۔